kahin main kam hun abhi tak kahin siwa hun main

kahīñ maiñ kam huuñ abhī tak kahīñ sivā huuñ maiñ

maiñ ban chukā huuñ yā ab tak nahīñ banā huuñ maiñ

ye aur baat ki ham ne patā lagā hī liyā

kabhī ḳhudā ne batāyā nahīñ ḳhudā huuñ maiñ

maiñ intizār meñ baiThā huuñ apne hone ke

kabhī jo pesh na aayā vo hādisa huuñ maiñ

kivāḌ khol ke pūchhā to kuchh nahīñ bolī

kivāḌ band kiye to kahā havā huuñ maiñ

mujhe manāne kī koshish to kar rahe ho tum

tumheñ ḳhabar bhī hai kis baat par ḳhafā huuñ maiñ

patā nahīñ ki ḳhudā kyoñ mujhe na sun paayā

falak se lauT ke aatī huī duā huuñ maiñ

kahin main kam hun abhi tak kahin siwa hun main

main ban chuka hun ya ab tak nahin bana hun main

ye aur baat ki hum ne pata laga hi liya

kabhi KHuda ne bataya nahin KHuda hun main

main intizar mein baiTha hun apne hone ke

kabhi jo pesh na aaya wo hadisa hun main

kiwaD khol ke puchha to kuchh nahin boli

kiwaD band kiye to kaha hawa hun main

mujhe manane ki koshish to kar rahe ho tum

tumhein KHabar bhi hai kis baat par KHafa hun main

pata nahin ki KHuda kyon mujhe na sun paya

falak se lauT ke aati hui dua hun main