kahīñ milā na koī ham-navā salīqe se
agarche detā rahā maiñ sadā salīqe se
milī hai daad mujhe apnī saḳht-jānī kī
guzar gayā hai har ik hādisa salīqe se
duā.eñ detā huuñ ab tak maiñ un ke jalvoñ ko
jinhoñ ne āñkhoñ ko baḳhshī sazā salīqe se
ba-vaqt-e-naza.a tabassum thā mere hoñToñ par
yuuñ mere sāmne aa.ī qazā salīqe se
lagā ki ab bhī jahāñ meñ ḳhulūs zinda hai
milā kabhī jo koī āshnā salīqe se
vahī hai habs vahī hai itāb-e-tishna-labī
chalī na aaj bhī bād-e-sabā salīqe se
mujhe shu.ūr hai ai 'shān' ḳhud-kalāmī kā
guzar rahī hai shab-e-mājrā salīqe se
kahin mila na koi ham-nawa saliqe se
agarche deta raha main sada saliqe se
mili hai dad mujhe apni saKHt-jaani ki
guzar gaya hai har ek hadisa saliqe se
duaen deta hun ab tak main un ke jalwon ko
jinhon ne aankhon ko baKHshi saza saliqe se
ba-waqt-e-naza tabassum tha mere honTon par
yun mere samne aai qaza saliqe se
laga ki ab bhi jahan mein KHulus zinda hai
mila kabhi jo koi aashna saliqe se
wahi hai habs wahi hai itab-e-tishna-labi
chali na aaj bhi baad-e-saba saliqe se
mujhe shuur hai ai 'shan' KHud-kalami ka
guzar rahi hai shab-e-majra saliqe se
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.