kahin olon ki barsaten kahin moti ki saughaten

kahīñ oloñ kī barsāteñ kahīñ motī kī sauġhāteñ

nihāyat maslahat andesh haiñ ab badliyāñ us kī

bilā-shuba vahī qātil hai apne ahd kā lekin

shahādat kaun de ki sāmne hai vardiyāñ us kī

shahīdān-e-vafā bo.e ga.e haiñ ab ke mausam meñ

ki lāla-zār ho jaa.eñ lahū se khetiyāñ us kī

lahū āshām dariyā is tarah ham sur-ḳharrū utre

ki ab tak hichkiyāñ letī rahī haiñ naddiyāñ us kī

damakte chāñd taare shabnam-o-gul sub.h kā manzar

abhī bikhrī paḌī haiñ har taraf añgḌā.iyāñ us kī

na phir kyuuñ dard kī lazzat mashām-e-jāñ meñ lahrā.e

'qamar' jab gudgudā.eñ ḳhud-baḳhud purvā.iyāñ us kī

kahin olon ki barsaten kahin moti ki saughaten

nihayat maslahat andesh hain ab badliyan us ki

bila-shuba wahi qatil hai apne ahd ka lekin

shahadat kaun de ki samne hai wardiyan us ki

shahidan-e-wafa boe gae hain ab ke mausam mein

ki lala-zar ho jaen lahu se khetiyan us ki

lahu aasham dariya is tarah hum sur-KHarru utre

ki ab tak hichkiyan leti rahi hain naddiyan us ki

damakte chand tare shabnam-o-gul subh ka manzar

abhi bikhri paDi hain har taraf angDaiyan us ki

na phir kyun dard ki lazzat masham-e-jaan mein lahrae

'qamar' jab gudgudaen KHud-baKHud purwaiyan us ki