kahin paida koi majnun kahin farhad karte hain

kahīñ paidā koī majnūñ kahīñ farhād karte haiñ

vafā ke naam par taaza sitam ījād karte haiñ

kisī ke dil meñ basne ke liye fariyād karte haiñ

magar ahl-e-jahāñ zālim hameñ barbād karte haiñ

ka.ī aise adhūre kaam haiñ is ke 'alāva bhī

ye ḳhush-fahmī na rakhnā ham tumheñ hī yaad karte haiñ

yaqīñ maano kisī se mashvara karte nahīñ haiñ ham

murīd-e-‘ishq haiñ aur 'ishq ko ustād karte haiñ

tire aane se kyā mastī chaḌhī bastī ke logoñ par

parindoñ ko rihā par chuum kar sayyād karte haiñ

'atā' ham ko zamāne se alag karne kī ḳhvāhish hai

vo ham karte nahīñ jo dūsre afrād karte haiñ

kahin paida koi majnun kahin farhad karte hain

wafa ke nam par taza sitam ijad karte hain

kisi ke dil mein basne ke liye fariyaad karte hain

magar ahl-e-jahan zalim hamein barbaad karte hain

kai aise adhure kaam hain is ke 'alawa bhi

ye KHush-fahmi na rakhna hum tumhein hi yaad karte hain

yaqin mano kisi se mashwara karte nahin hain hum

murid-e-‘ishq hain aur 'ishq ko ustad karte hain

tere aane se kya masti chaDhi basti ke logon par

parindon ko riha par chum kar sayyaad karte hain

'ata' hum ko zamane se alag karne ki KHwahish hai

wo hum karte nahin jo dusre afrad karte hain