kahin rukne lagi hai kashti-e-umr-e-rawan shayad

kahīñ rukne lagī hai kashti-e-umr-e-ravāñ shāyad

zamīñ chhūne lagī hai ab ke hadd-e-āsmāñ shāyad

mujhe us ne talab farmāyā hai maidān-e-hastī se

use phir yaad aayā hai koī kār-e-jahāñ shāyad

ubhartī aa rahī hai ek duniyā aur hī koī

makāñ ke saath miltā jā rahā hai lā-makāñ shāyad

badal dekhūñ charāġh-e-shauq se maiñ bhī charāġh apnā

mere ghar se nikal jaa.e isī sūrat dhuāñ shāyad

kiran Thahrī nahīñ hai ḳhvāb ke parde meñ bhī aakar

khulī hī rah ga.ī thiiñ ḳhvāb meñ bhī khiḌkiyāñ shāyad

chalo maiñ bhī koī saudā karūñ is bār-e-hastī kā

khulī ho bām-e-hast-o-būd par us kī dukāñ shāyad

mire aur us ke biich ik dhund sī maujūd rahtī hai

ye duniyā aa rahī hai mere us ke darmiyāñ shāyad

kahin rukne lagi hai kashti-e-umr-e-rawan shayad

zamin chhune lagi hai ab ke hadd-e-asman shayad

mujhe us ne talab farmaya hai maidan-e-hasti se

use phir yaad aaya hai koi kar-e-jahan shayad

ubharti aa rahi hai ek duniya aur hi koi

makan ke sath milta ja raha hai la-makan shayad

badal dekhun charagh-e-shauq se main bhi charagh apna

mere ghar se nikal jae isi surat dhuan shayad

kiran Thahri nahin hai KHwab ke parde mein bhi aakar

khuli hi rah gai thin KHwab mein bhi khiDkiyan shayad

chalo main bhi koi sauda karun is bar-e-hasti ka

khuli ho baam-e-hast-o-bud par us ki dukan shayad

mere aur us ke bich ek dhund si maujud rahti hai

ye duniya aa rahi hai mere us ke darmiyan shayad