kahin sawan mein baadal jhum kar aaya nahin ab tak

kahīñ sāvan meñ bādal jhuum kar aaya nahīñ ab tak

kisī ne giit bhī malhār kā gaayā nahīñ ab tak

use ehsās-e-āzādī agar ho bhī to kyūñkar ho

rihā ho kar jo qaidī qaid se aaya nahīñ ab tak

asīrī par kisī bebas kī hai sayyād abhī nāzāñ

ḳhudā kā ḳhauf us ke dil meñ kyoñ aaya nahīñ ab tak

zamāna-sāz hone kī zarūrat thī zamāne meñ

zamāna-sāz honā hī hameñ aaya nahīñ ab tak

shab-e-furqat hamārā hichkiyoñ se dam nikal jaatā

ḳhudā kā shukr tum ne yaad farmāyā nahīñ ab tak

yaqīnan murshid-e-kāmil kī shafqat kā natīja hai

havas ke jaal meñ 'lāġhar' kabhī aaya nahīñ ab tak

kahin sawan mein baadal jhum kar aaya nahin ab tak

kisi ne git bhi malhaar ka gaya nahin ab tak

use ehsas-e-azadi agar ho bhi to kyunkar ho

riha ho kar jo qaidi qaid se aaya nahin ab tak

asiri par kisi bebas ki hai sayyaad abhi nazan

KHuda ka KHauf us ke dil mein kyon aaya nahin ab tak

zamana-saz hone ki zarurat thi zamane mein

zamana-saz hona hi hamein aaya nahin ab tak

shab-e-furqat hamara hichkiyon se dam nikal jata

KHuda ka shukr tum ne yaad farmaya nahin ab tak

yaqinan murshid-e-kaamil ki shafqat ka natija hai

hawas ke jal mein 'laghar' kabhi aaya nahin ab tak