kahin shunwai nahin husn ki mahfil ke KHilaf

kahīñ shunvā.ī nahīñ husn kī mahfil ke ḳhilāf

gul na kyuuñ hañste raheñ shor-e-anādil ke ḳhilāf

jān-o-īmāñ bhī vahī dushman-e-jān-o-īmāñ

ham gavāhī bhī na deñge kahīñ qātil ke ḳhilāf

kisī jaade pe chalo chhoḌegī tanhā.ī na saath

qadam uTTheñ to kidhar 'ishq kī manzil ke ḳhilāf

bazm-e-yārāñ ho ki mai naġhma ke faizān-e-suḳhan

sab haiñ sāzish meñ sharīk us kī mire dil ke ḳhilāf

hijr meñ jī ke bahalne ke the jitne hiile

vahshat ik saath rahī ho ga.e sab mil ke ḳhilāf

isī āġhosh meñ dam toḌeñgī aa kar maujeñ

bhāgtī phirtī haiñ bekār hī sāhil ke ḳhilāf

aql-e-duniyā kā tumheñ dā'vā hai be-vaj.h 'vahīd'

do-qadam chal nahīñ sakte kabhī tum dil ke ḳhilāf

kahin shunwai nahin husn ki mahfil ke KHilaf

gul na kyun hanste rahen shor-e-anadil ke KHilaf

jaan-o-iman bhi wahi dushman-e-jaan-o-iman

hum gawahi bhi na denge kahin qatil ke KHilaf

kisi jade pe chalo chhoDegi tanhai na sath

qadam uTThen to kidhar 'ishq ki manzil ke KHilaf

bazm-e-yaran ho ki mai naghma ke faizan-e-suKHan

sab hain sazish mein sharik us ki mere dil ke KHilaf

hijr mein ji ke bahalne ke the jitne hile

wahshat ek sath rahi ho gae sab mil ke KHilaf

isi aaghosh mein dam toDengi aa kar maujen

bhagti phirti hain bekar hi sahil ke KHilaf

aql-e-duniya ka tumhein da'wa hai be-wajh 'wahid'

do-qadam chal nahin sakte kabhi tum dil ke KHilaf