kahiye achchha jo kisi se to bura lagta hai

kahiye achchhā jo kisī se to burā lagtā hai

kalma-e-ḳhair namak-pāsh zarā lagtā hai

maiñ nahīñ jāntā koī yahāñ kyā lagtā hai

jaane kyoñ shahr tirā shahr mirā lagtā hai

kusht-o-ḳhūn aisā ki shāyad na huā hogā kabhī

dushman insān kā insān huā lagtā hai

kaun kis se hai fuzūñ ḳhalq meñ kis tarah khule

har hunar-mand yahāñ ḳhud se sivā lagtā hai

hosh-mand aise kahāñ ke haiñ ye arbāb-e-nashāt

jī kā janjāl sab un kā hī diyā lagtā hai

tāb-e-goyā.ī rahe yā na rahe aaj ke baad

sun lo do bol ki kuchh dard thamā lagtā hai

aisā bikhrā huuñ ki mushkil hai simaTnā merā

mere dil meñ koī kāñTā sā chubhā lagtā hai

jis kā jī chāhe vo mahfil kī satā.ish kar le

ek parda sā nigāhoñ pe paḌā lagtā hai

gardish-e-pā hai ki baḌhne nahīñ detī aage

terā 'hāmid' tirī galiyoñ kā gadā lagtā hai

kahiye achchha jo kisi se to bura lagta hai

kalma-e-KHair namak-pash zara lagta hai

main nahin jaanta koi yahan kya lagta hai

jaane kyon shahr tera shahr mera lagta hai

kusht-o-KHun aisa ki shayad na hua hoga kabhi

dushman insan ka insan hua lagta hai

kaun kis se hai fuzun KHalq mein kis tarah khule

har hunar-mand yahan KHud se siwa lagta hai

hosh-mand aise kahan ke hain ye arbab-e-nashat

ji ka janjal sab un ka hi diya lagta hai

tab-e-goyai rahe ya na rahe aaj ke baad

sun lo do bol ki kuchh dard thama lagta hai

aisa bikhra hun ki mushkil hai simaTna mera

mere dil mein koi kanTa sa chubha lagta hai

jis ka ji chahe wo mahfil ki sataish kar le

ek parda sa nigahon pe paDa lagta hai

gardish-e-pa hai ki baDhne nahin deti aage

tera 'hamid' teri galiyon ka gada lagta hai