kahkashan ki qamar ki baat chali
kahkashāñ kī qamar kī baat chalī
sub.h-dam raat bhar kī baat chalī
ūñchī nīchī Dagar kī baat chalī
zindagī ke safar kī baat chalī
zard pattoñ kā tazkira na huā
bas nasīm-e-sahar kī baat chalī
yaad aa.e lahū lahū patthar
jab kahīñ sang-o-sar kī baat chalī
kyā ġhazab hai ki mausam-e-gul meñ
ḳhushk barg-o-samar kī baat chalī
aaj ūñchī uḌaan vāloñ meñ
ek be-bāl-o-par kī baat chalī
bazm-e-ahbāb meñ 'niyāz' aksar
kyoñ kisī be-hunar kī baat chalī
kahkashan ki qamar ki baat chali
subh-dam raat bhar ki baat chali
unchi nichi Dagar ki baat chali
zindagi ke safar ki baat chali
zard patton ka tazkira na hua
bas nasim-e-sahar ki baat chali
yaad aae lahu lahu patthar
jab kahin sang-o-sar ki baat chali
kya ghazab hai ki mausam-e-gul mein
KHushk barg-o-samar ki baat chali
aaj unchi uDan walon mein
ek be-baal-o-par ki baat chali
bazm-e-ahbab mein 'niyaz' aksar
kyon kisi be-hunar ki baat chali
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
