kahne ko har qadam pe ujalon ka jal hai

kahne ko har qadam pe ujāloñ kā jaal hai

phir bhī vo tīrgī hai ki chalnā muhāl hai

dil kā mu'āmla na jigar kā savāl hai

daur-e-junūñ meñ jaan kā bachnā muhāl hai

vo aa.ina bhī dekhte jaate haiñ saath saath

kahte bhī jā rahe haiñ ki vallah kamāl hai

mā.il-ba-iltifāt unheñ pā rahā huuñ maiñ

is meñ bhī lag rahā hai zamāne kī chaal hai

jis kā javāb de na sakī maut kī namī

ye zindagī vo ek sulagtā savāl hai

ab rahbaroñ ke bas kī kahāñ rah ga.ī hai baat

manzil se pūchh leñge tirā kyā ḳhayāl hai

qaa.em hamāre dam se 'kañval' hai vaqār-e-'ishq

har shai ko is jahāñ meñ vagarna zavāl hai

kahne ko har qadam pe ujalon ka jal hai

phir bhi wo tirgi hai ki chalna muhaal hai

dil ka mu'amla na jigar ka sawal hai

daur-e-junun mein jaan ka bachna muhaal hai

wo aaina bhi dekhte jate hain sath sath

kahte bhi ja rahe hain ki wallah kamal hai

mail-ba-iltifat unhen pa raha hun main

is mein bhi lag raha hai zamane ki chaal hai

jis ka jawab de na saki maut ki nami

ye zindagi wo ek sulagta sawal hai

ab rahbaron ke bas ki kahan rah gai hai baat

manzil se puchh lenge tera kya KHayal hai

qaem hamare dam se 'kanwal' hai waqar-e-'ishq

har shai ko is jahan mein wagarna zawal hai