کہنے کو پیش کر دیا نذرانۂ بدن

کہنے کو پیش کر دیا نذرانۂ بدن

دام حریم خواب میں تھا دانۂ بدن

ہم منتظر تھے پھول کھلائیں گے سرخ لب

ہر لفظ آگ تھا کہ جلا خانۂ بدن

لمحوں نے شب کو رمز و کنایہ میں جو سنا

روشن تھا لب پہ صبح کے افسانۂ بدن

ہوتا ہے روز دل پہ بلاؤں کا ہی نزول

ملبہ ہے خاک و خون کا کاشانۂ بدن

درویش ہے نہ رند نہ مجذوب ہے کوئی

پھر کس کا یہ وجود ہے بیگانۂ بدن

دست ہوس نہ توڑ کے رکھ دے کہیں اسے

ہالے میں نور کے ہے وہ دردانۂ بدن