kahne ko pesh kar diya nazrana-e-badan

kahne ko pesh kar diyā nazrāna-e-badan

dām-e-harīm-e-ḳhvāb meñ thā dāna-e-badan

ham muntazir the phuul khilā.enge surḳh lab

har lafz aag thā ki jalā ḳhāna-e-badan

lamhoñ ne shab ko ramz-o-kināya meñ jo sunā

raushan thā lab pe sub.h ke afsāna-e-badan

hotā hai roz dil pe balāoñ kā hī nuzūl

malba hai ḳhāk-o-ḳhūn kā kāshāna-e-badan

darvesh hai na rind na majzūb hai koī

phir kis kā ye vajūd hai begāna-e-badan

dast-e-havas na toḌ ke rakh de kahīñ use

haale meñ nuur ke hai vo durdāna-e-badan

kahne ko pesh kar diya nazrana-e-badan

dam-e-harim-e-KHwab mein tha dana-e-badan

hum muntazir the phul khilaenge surKH lab

har lafz aag tha ki jala KHana-e-badan

lamhon ne shab ko ramz-o-kinaya mein jo suna

raushan tha lab pe subh ke afsana-e-badan

hota hai roz dil pe balaon ka hi nuzul

malba hai KHak-o-KHun ka kashana-e-badan

darwesh hai na rind na majzub hai koi

phir kis ka ye wajud hai begana-e-badan

dast-e-hawas na toD ke rakh de kahin use

haale mein nur ke hai wo durdana-e-badan