kahne ko sab fasana-e-ghaib-o-shuhud tha

kahne ko sab fasāna-e-ġhaib-o-shuhūd thā

dar-parda isti.āra-e-shauq-o-numūd thā

samjhā na bul-havas kise kahte haiñ intizār

nādāñ asīr-e-kasmakash-e-der-o-zūd thā

kyā āshiqī meñ hausla-e-marg-o-zindagī

ḳhvāb o ḳhayāl marhala-e-hast-o-būd thā

sochā thā mai-kada hī sahī gosha-e-najāt

dekhā to ik hujūm-e-rusūm-o-qayūd thā

jaañ shād-kām-e-bosa-e-pā-e-sanam huī

kitnā buland tāla-e-zauq-e-sujūd thā

ye ishq thā ki jis ne diyā rañg-e-shola-tāb

aalam tamām naqsh-e-sukūt-o-jumūd thā

ai dost ab vo daur-e-ta.ammul guzar chukā

jab dāman-e-nazar pe ġhubār-e-hudūd thā

shab ham ġhazal-sarā the 'ravish' bazm-e-nāz meñ

sham-e-adab-shanās ke lab par durūd thā

kahne ko sab fasana-e-ghaib-o-shuhud tha

dar-parda istiara-e-shauq-o-numud tha

samjha na bul-hawas kise kahte hain intizar

nadan asir-e-kasmakash-e-der-o-zud tha

kya aashiqi mein hausla-e-marg-o-zindagi

KHwab o KHayal marhala-e-hast-o-bud tha

socha tha mai-kada hi sahi gosha-e-najat

dekha to ek hujum-e-rusum-o-qayud tha

jaan shad-kaam-e-bosa-e-pa-e-sanam hui

kitna buland tala-e-zauq-e-sujud tha

ye ishq tha ki jis ne diya rang-e-shola-tab

aalam tamam naqsh-e-sukut-o-jumud tha

ai dost ab wo daur-e-tammul guzar chuka

jab daman-e-nazar pe ghubar-e-hudud tha

shab hum ghazal-sara the 'rawish' bazm-e-naz mein

sham-e-adab-shanas ke lab par durud tha