کہنے لگا وہ رو کے یہ اک بات ایک دن

کہنے لگا وہ رو کے یہ اک بات ایک دن

ٹوٹے گا اس طرح سے مرا ساتھ ایک دن

جس دن ہمارا ساتھ چھٹے گا تو دیکھنا

ہوگی ہماری آنکھوں سے برسات ایک دن

کوئی تو آئے بیٹھنے کو پاس ایک شب

پھر اس کو کچھ سناؤ حکایات ایک دن

دل کے قریب رکھتا تھا کیا اس لئے تمہیں

ہم کو ہی تم دکھاؤ گے اوقات ایک دن

یہ سوچ کے میں لاتا ہوں محنت سے روٹیاں

میرے بدل ہی جائیں گے حالات ایک دن

جانے لگے وہ جس گھڑی حیدرؔ نے یہ کہا

ہوگی ہماری پھر سے ملاقات ایک دن