kaho kis tarah hon qail sukun-e-qalb-e-muztar ke

kaho kis tarah hoñ qaa.il sukūn-e-qalb-e-muztar ke

zarā jumbish huī paidā hue āsār mahshar ke

phirī haiñ aa ki sahar-āfrīñ nazreñ ye kyā kar ke

abhī to jaan sī aa.ī thī ummīdoñ meñ marmar ke

falak ne jis qadar paidā kiye andāz mahshar ke

karishme haiñ vo sab terī adā-e-fitna-parvar ke

tabassum meñ bhī dil ġham kī jhalak pahchān letā hai

ye dard-o-ġham azal se rahne vaale haiñ isī ghar ke

hamārī intihā-e-nā-tavānī hadd-e-manzil hai

salāmat larzish-e-pā kaun le ehsān rahbar ke

kise mālūm husn-e-jalvagar kī kār-farmā.ī

nazar kis se milāte dekhne vaale nazar bhar ke

mire zabt-e-alam ne tāb-e-goyā.ī na dī mujh ko

sunātā ahl-e-ālam ko fasāne zindagī bhar ke

zabāñ kaTtī hai jis dar par sadā dete duā dete

gadā kahlāte haiñ 'hirmāñ' ham us bedard ke dar ke

kaho kis tarah hon qail sukun-e-qalb-e-muztar ke

zara jumbish hui paida hue aasar mahshar ke

phiri hain aa ki sahar-afrin nazren ye kya kar ke

abhi to jaan si aai thi ummidon mein marmar ke

falak ne jis qadar paida kiye andaz mahshar ke

karishme hain wo sab teri ada-e-fitna-parwar ke

tabassum mein bhi dil gham ki jhalak pahchan leta hai

ye dard-o-gham azal se rahne wale hain isi ghar ke

hamari intiha-e-na-tawani hadd-e-manzil hai

salamat larzish-e-pa kaun le ehsan rahbar ke

kise malum husn-e-jalwagar ki kar-farmai

nazar kis se milate dekhne wale nazar bhar ke

mere zabt-e-alam ne tab-e-goyai na di mujh ko

sunata ahl-e-alam ko fasane zindagi bhar ke

zaban kaTti hai jis dar par sada dete dua dete

gada kahlate hain 'hirman' hum us bedard ke dar ke