kaho tum ye zehni aziyyat nahin hai

kaho tum ye zehnī aziyyat nahīñ hai

mujhe tum se shāyad mohabbat nahīñ hai

abhī tum ko ḳhud par bharosa bahut hai

abhī tum ko merī zarūrat nahīñ hai

dikhā.e mujhe pech-o-ḳham zindagī ne

mujhe sahl raste kī 'ādat nahīñ hai

koī ek insāñ to aisā dikhā do

gunāhoñ se jis ko ki raġhbat nahīñ hai

kisī aur hasīna pe aayā hai dil kyā

jo pahlī sī tujh ko mohabbat nahīñ hai

kahāñ kab dhamāke se marnā hai ham ko

muayyan koī ab to muddat nahīñ hai

fazāoñ meñ raqsāñ hai ik be-yaqīnī

mohabbat meñ terī vo shiddat nahīñ hai

vo barbād kartā hai logoñ kī duniyā

zarā aañkh meñ par nadāmat nahīñ hai

sarokār tum ko nahīñ hāl-e-dil se

hameñ bhī sunāne kī hājat nahīñ hai

kaho tum ye zehni aziyyat nahin hai

mujhe tum se shayad mohabbat nahin hai

abhi tum ko KHud par bharosa bahut hai

abhi tum ko meri zarurat nahin hai

dikhae mujhe pech-o-KHam zindagi ne

mujhe sahl raste ki 'adat nahin hai

koi ek insan to aisa dikha do

gunahon se jis ko ki raghbat nahin hai

kisi aur hasina pe aaya hai dil kya

jo pahli si tujh ko mohabbat nahin hai

kahan kab dhamake se marna hai hum ko

muayyan koi ab to muddat nahin hai

fazaon mein raqsan hai ek be-yaqini

mohabbat mein teri wo shiddat nahin hai

wo barbaad karta hai logon ki duniya

zara aankh mein par nadamat nahin hai

sarokar tum ko nahin haal-e-dil se

hamein bhi sunane ki hajat nahin hai