kahte hain be-niyaz hai har KHushk-o-tar se wo

kahte haiñ be-niyāz hai har ḳhushk-o-tar se vo

rishta aTuuT rakhtā hai lekin nazar se vo

parde se chhan rahī haiñ tajallī kī jhalkiyāñ

ḳhud ko chhupā sakā na hamārī nazar se vo

rāh-e-vafā meñ ham ko tajassus banā rahā

har chand mutma.in rahā apne safar se vo

pal meñ badalte dekhā hai mausam bahār kā

muhtāt be-sabab nahīñ barg-o-samar se vo

dastār rakhnā sar pe magar dekh bhaal kar

bezār ho na jaa.e kahīñ apne sar se vo

mā'būd-e-zāhirī ko yaqīñ ho na ho magar

vāqif hai ḳhūb-tar mire 'aib-o-hunar se vo

'kausar' nigāh-e-shauq kī tāsīr dekhnā

guzregā ek roz yaqīnan idhar se vo

kahte hain be-niyaz hai har KHushk-o-tar se wo

rishta aTuT rakhta hai lekin nazar se wo

parde se chhan rahi hain tajalli ki jhalkiyan

KHud ko chhupa saka na hamari nazar se wo

rah-e-wafa mein hum ko tajassus bana raha

har chand mutmain raha apne safar se wo

pal mein badalte dekha hai mausam bahaar ka

muhtat be-sabab nahin barg-o-samar se wo

dastar rakhna sar pe magar dekh bhaal kar

bezar ho na jae kahin apne sar se wo

ma'bud-e-zahiri ko yaqin ho na ho magar

waqif hai KHub-tar mere 'aib-o-hunar se wo

'kausar' nigah-e-shauq ki tasir dekhna

guzrega ek roz yaqinan idhar se wo