kahte hain jis ko ishq mere bhai jang hai

kahte haiñ jis ko ishq mire bhaa.ī jang hai

ye do diloñ ke biich ilāqā.ī jang hai

tanhā.ī se ilāqa hai mujh ko mire aziiz

mere liye ye anjuman-ārā.ī jang hai

jo laḌ rahā huuñ mil ke mohabbat ke saath maiñ

ye jang bhī miyāñ mirī ābā.ī jang hai

sochoñ kā iḳhtilāf hai ye aur kuchh nahīñ

so pesh-raft aur na paspā.ī jang hai

maiñ ḳhud se kar rahā huuñ so mujh ko batā.iye

zerīñ hai sāhabo ki ye bālā.ī jang hai

ham ishq ke mahāz pe haiñ sāhibān-e-shauq

kiije hamārī hausla-afzā.ī jang hai

kahte hain jis ko ishq mere bhai jang hai

ye do dilon ke bich ilaqai jang hai

tanhai se ilaqa hai mujh ko mere aziz

mere liye ye anjuman-arai jang hai

jo laD raha hun mil ke mohabbat ke sath main

ye jang bhi miyan meri aabai jang hai

sochon ka iKHtilaf hai ye aur kuchh nahin

so pesh-raft aur na paspai jang hai

main KHud se kar raha hun so mujh ko bataiye

zerin hai sahabo ki ye baalai jang hai

hum ishq ke mahaz pe hain sahiban-e-shauq

kije hamari hausla-afzai jang hai