kahte hain ki maiKHane mein mai aam kahan hai

kahte haiñ ki maiḳhāne meñ mai aam kahāñ hai

rindoñ kī yahī baat to saaqī pe girāñ hai

khāte hī rahe va.ada-e-ta.amīr ke dhoke

ai husn-e-gul-o-lāla-o-ta.amīr kahāñ hai

kis jurm meñ jiine kī sazā paa.ī hai maiñ ne

nai nik.hat-e-gesū na koī naġhma-e-jāñ hai

ai jān-e-jahāñ jān-e-tamannā tū kahāñ hai

muddat se vahī chashm-e-mohabbat nigarāñ hai

kis din kī rifāqat kā sila mujh ko milā hai

āġhosh-e-havādis meñ bhī thoḌī sī amaañ hai

phūloñ kī mahak laa.ī haiñ fardā kī havā.eñ

shorīda-sarī aaj anādil kī javāñ hai

ma.alūm na thā fitna-e-iblīs kā maskan

ai murshid-e-haq-bīñ tirī fitrat pe gumāñ hai

sūraj kī shuāoñ ke talabgār nahīñ ham

har zarra-e-ḳhākī meñ vahī soz-e-nihāñ hai

jis ḳhaak meñ miltā hai lahū dīda-o-dil kā

is ḳhaak ke siine pe bahāroñ kā samāñ hai

kahte hain ki maiKHane mein mai aam kahan hai

rindon ki yahi baat to saqi pe giran hai

khate hi rahe wada-e-tamir ke dhoke

ai husn-e-gul-o-lala-o-tamir kahan hai

kis jurm mein jine ki saza pai hai main ne

nai nikhat-e-gesu na koi naghma-e-jaan hai

ai jaan-e-jahan jaan-e-tamanna tu kahan hai

muddat se wahi chashm-e-mohabbat nigaran hai

kis din ki rifaqat ka sila mujh ko mila hai

aaghosh-e-hawadis mein bhi thoDi si aman hai

phulon ki mahak lai hain farda ki hawaen

shorida-sari aaj anadil ki jawan hai

malum na tha fitna-e-iblis ka maskan

ai murshid-e-haq-bin teri fitrat pe guman hai

suraj ki shuaon ke talabgar nahin hum

har zarra-e-KHaki mein wahi soz-e-nihan hai

jis KHak mein milta hai lahu dida-o-dil ka

is KHak ke sine pe bahaaron ka saman hai