kahte ho kuchh kahun to ghalat sar-basar ghalat

kahte ho kuchh kahūñ to ġhalat sar-basar ġhalat

kyoñ kar bane kaho jo har ik baat par ġhalat

to kaun phir durust hai baare tumhīñ kaho

achchhā ġhalat hai baat hamārī agar ġhalat

insāf shart hai magar insāf hai kahāñ

jo bhī hameñ milā so milā dād-gar ġhalat

dekho to muñh vo aa.e hai tis par hamāre muñh

aksar kalām jis kā ġhalat beshtar ġhalat

hotī hai pairvī-e-ġhalat bhī kabhī kabhī

garche nahīñ hai dar-ḳhur-e-taqlīd har ġhalat

jaanā ġhalat kahe hai magar kyoñ na māniye

maanā ġhalat kahe se hai sarf-e-nazar ġhalat

utnī hī balki aur bhī tahsīn chāhiye

dekho kalām-e-ġhair jahāñ jis qadar ġhalat

kyoñ Tok kar kisī ko bhalā ham bure baneñ

jaane balā hamārī koī hai agar ġhalat

kahte ho kuchh kahun to ghalat sar-basar ghalat

kyon kar bane kaho jo har ek baat par ghalat

to kaun phir durust hai bare tumhin kaho

achchha ghalat hai baat hamari agar ghalat

insaf shart hai magar insaf hai kahan

jo bhi hamein mila so mila dad-gar ghalat

dekho to munh wo aae hai tis par hamare munh

aksar kalam jis ka ghalat beshtar ghalat

hoti hai pairwi-e-ghalat bhi kabhi kabhi

garche nahin hai dar-KHur-e-taqlid har ghalat

jaana ghalat kahe hai magar kyon na maniye

mana ghalat kahe se hai sarf-e-nazar ghalat

utni hi balki aur bhi tahsin chahiye

dekho kalam-e-ghair jahan jis qadar ghalat

kyon Tok kar kisi ko bhala hum bure banen

jaane bala hamari koi hai agar ghalat