kaifiyyat-e-maal-e-mohabbat na puchhiye

kaifiyyat-e-ma.āl-e-mohabbat na pūchhiye

ye zindagī kī talḳh haqīqat na pūchhiye

jalva-faroz vo haiñ ba-rā'nā.ī-e-jamāl

aur infi’āl-e-zauq-e-tabī'at na pūchhiye

jis ko baḌā ḳhayāl hai dīvāngī meñ bhī

vārafta-e-junūñ kī firāsat na pūchhiye

kho baiThtā hai koī matā'-e-dil-o-nazar

aatī hai is tarah bhī qayāmat na pūchhiye

dil sā maqām jis ke liye nazr hai tamām

husn-e-ḳhayāl-e-yār kī rif'at na pūchhiye

ik jaam meñ kiyā hai haqā.eq se āshnā

ye pīr-e-mai-kada kī karāmat na pūchhiye

'in'ām' hai unhīñ se rag-o-pai meñ tāzgī

ehsās-o-husn-e-zauq kī daulat na pūchhiye

kaifiyyat-e-maal-e-mohabbat na puchhiye

ye zindagi ki talKH haqiqat na puchhiye

jalwa-faroz wo hain ba-ra'nai-e-jamal

aur infi’al-e-zauq-e-tabi'at na puchhiye

jis ko baDa KHayal hai diwangi mein bhi

warafta-e-junun ki firasat na puchhiye

kho baiThta hai koi mata'-e-dil-o-nazar

aati hai is tarah bhi qayamat na puchhiye

dil sa maqam jis ke liye nazr hai tamam

husn-e-KHayal-e-yar ki rif'at na puchhiye

ek jam mein kiya hai haqaeq se aashna

ye pir-e-mai-kada ki karamat na puchhiye

'in'am' hai unhin se rag-o-pai mein tazgi

ehsas-o-husn-e-zauq ki daulat na puchhiye