kai zaKHm ab tak sanbhaale hue hain

ka.ī zaḳhm ab tak sañbhāle hue haiñ

qalandar ke siine pe chhāle hue haiñ

tirī hasratoñ ke ka.ī daaġh le kar

mirī tīrgī meñ ujāle hue haiñ

ki bechārgī kā mazā ham se pūchho

ham un kī galī se nikāle hue haiñ

ye naġhme ye aaheñ ye naale tamāshā

ye ḳhūn-e-jigar ke nivāle hue haiñ

ye tahrīr-e-fan bhī unhīñ kā hai zevar

jo āh-o-fuġhāñ ke havāle hue haiñ

haiñ tere hī dam se samundar bhī raqsāñ

ye tū ne hī dariyā uchhāle hue haiñ

vo fāqa-kashī meñ ġhazal likh rahe the

janāze bhī jin ke maqāle hue haiñ

'murād'-e-jahāñ ab to bas hī karo tum

qalam-band kitne hī naale hue haiñ

kai zaKHm ab tak sanbhaale hue hain

qalandar ke sine pe chhaale hue hain

teri hasraton ke kai dagh le kar

meri tirgi mein ujale hue hain

ki bechaargi ka maza hum se puchho

hum un ki gali se nikale hue hain

ye naghme ye aahen ye nale tamasha

ye KHun-e-jigar ke niwale hue hain

ye tahrir-e-fan bhi unhin ka hai zewar

jo aah-o-fughan ke hawale hue hain

hain tere hi dam se samundar bhi raqsan

ye tu ne hi dariya uchhaale hue hain

wo faqa-kashi mein ghazal likh rahe the

janaze bhi jin ke maqale hue hain

'murad'-e-jahan ab to bas hi karo tum

qalam-band kitne hi nale hue hain