kai zamanon ke dariya-e-nil chhoD gaya

ka.ī zamānoñ ke dariyā-e-nīl chhoḌ gayā

vo vaqt thā jo mujhe lākhoñ miil chhoḌ gayā

na bhīge hoñT bhī kam-zarf dasht o dariyā ke

mirā husain lahū kī sabīl chhoḌ gayā

sab ek se the tulū-o-ġhurūb-e-jāñ us ke

judā.ī meñ bhī vo naqsh-e-jamīl chhoḌ gayā

the us ke saath zavāl-e-safar ke sab manzar

vo dukhte dil ke bahut sañg-e-mīl chhoḌ gayā

maiñ murda pāniyoñ meñ chāñd sā ravāñ dekhūñ

vo varse meñ mujhe ḳhvāhish kī jhiil chhoḌ gayā

maiñ zinda sach thā samundar kī guuñj kī sūrat

gavāhī le nahīñ paayā dalīl chhoḌ gayā

kai zamanon ke dariya-e-nil chhoD gaya

wo waqt tha jo mujhe lakhon mil chhoD gaya

na bhige honT bhi kam-zarf dasht o dariya ke

mera husain lahu ki sabil chhoD gaya

sab ek se the tulu-o-ghurub-e-jaan us ke

judai mein bhi wo naqsh-e-jamil chhoD gaya

the us ke sath zawal-e-safar ke sab manzar

wo dukhte dil ke bahut sang-e-mil chhoD gaya

main murda paniyon mein chand sa rawan dekhun

wo warse mein mujhe KHwahish ki jhil chhoD gaya

main zinda sach tha samundar ki gunj ki surat

gawahi le nahin paya dalil chhoD gaya