kaisa hi dost ho na kahe raaz-e-dil koi

kaisā hī dost ho na kahe rāz-e-dil koī

niklī jo baat muñh se to phailī jahān meñ

sach sach kaho ye baat banānā nahīñ pasand

kyā kah rahe the ġhair abhī chupke se kaan meñ

pūchhā hai hāl-e-zār to sun lo ḳhatā-muāf

kuchh baat mere hoñToñ meñ hai kuchh zabān meñ

āshiq se pūchhiye na sar-e-bazm hāl-e-dil

parde kī baat sunte haiñ chupke se kaan meñ

furqat meñ kyā batā.ūñ ki din hai ki raat hai

āñkhoñ ko sūjhtā nahīñ rone ke dhyān meñ

qasr-e-jahāñ hai tere faqīroñ kā jhoñpaḌā

mahloñ se baḌh ke chain hai apne makān meñ

do din kī zindagī meñ jo chāhe koī kare

rah jaatī hai bhalā.ī burā.ī jahān meñ

kaisa hi dost ho na kahe raaz-e-dil koi

nikli jo baat munh se to phaili jahan mein

sach sach kaho ye baat banana nahin pasand

kya kah rahe the ghair abhi chupke se kan mein

puchha hai haal-e-zar to sun lo KHata-muaf

kuchh baat mere honTon mein hai kuchh zaban mein

aashiq se puchhiye na sar-e-bazm haal-e-dil

parde ki baat sunte hain chupke se kan mein

furqat mein kya bataun ki din hai ki raat hai

aankhon ko sujhta nahin rone ke dhyan mein

qasr-e-jahan hai tere faqiron ka jhonpaDa

mahlon se baDh ke chain hai apne makan mein

do din ki zindagi mein jo chahe koi kare

rah jati hai bhalai burai jahan mein