kaisa lahja tha kis haal mein wo rahi ek hi sans mein

kaisā lahja thā kis haal meñ vo rahī ek hī saañs meñ

kahne vaalī kahānī mirī kah ga.ī ek hī saañs meñ

ye bhalā kyā ki ik ek ghūñT apne andar utartā rahe

mai agar tū ne piinī hai to saarī pī ek hī saañs meñ

ek hī saañs meñ hai samāyā huā ye jahāñ ai ḳhudā

ham ne saarī ḳhudā.ī tirī dekh lī ek hī saañs meñ

jitne bhī ahl-e-mahfil the muñh vo mirā dekhte rah ga.e

bazm meñ un kī tārīf kuchh aise kī ek hī saañs meñ

un ke hoñToñ kā lams aise chehre pe mahsūs hotā rahā

ham ne saarī hayātī yūñhī kaaT lī ek hī saañs meñ

ek hī saañs meñ ham ne 'tāhir' sabhī kuchh kahā aap se

jo bhī kahnā hai kah dījiye aap bhī ek hī saañs meñ

kaisa lahja tha kis haal mein wo rahi ek hi sans mein

kahne wali kahani meri kah gai ek hi sans mein

ye bhala kya ki ek ek ghunT apne andar utarta rahe

mai agar tu ne pini hai to sari pi ek hi sans mein

ek hi sans mein hai samaya hua ye jahan ai KHuda

hum ne sari KHudai teri dekh li ek hi sans mein

jitne bhi ahl-e-mahfil the munh wo mera dekhte rah gae

bazm mein un ki tarif kuchh aise ki ek hi sans mein

un ke honTon ka lams aise chehre pe mahsus hota raha

hum ne sari hayati yunhi kaT li ek hi sans mein

ek hi sans mein hum ne 'tahir' sabhi kuchh kaha aap se

jo bhi kahna hai kah dijiye aap bhi ek hi sans mein