kaise aaine se is nau’ ka jauhar nikla

kaise ā.īne se is nau’ kā jauhar niklā

ye chaman-zār bhī kis dasht meñ aa kar niklā

ye sulaimān kī jangāh thī kiiḌī ḳhātir

mujh se jaise mutahārib koī lashkar niklā

ye raḌak aañkh meñ maujūd hai pahle din se

pāniyoñ se bhare maidān se patthar niklā

avval avval jo thā be-shakl vo puurā ho kar

ab mire varta-e-iz.hār se bāhar niklā

ek ik lafz se sad-rang matālib phūTe

jab kuaañ khodā to nīche se samundar niklā

us parinde ne nahīñ dekhī thī aisī vus'at

vo havā se kabhī nīche kabhī uupar niklā

jaisī maujūd thī dil meñ koī ḳhvāhish so vo hai

koī mushrik na koī makke se munkir niklā

kisī jānib bhī na palḌe bharā shāhīn girā

jis tarāzū pe bhī tolā vo barābar niklā

jo uḌā detā falak aur sitāroñ kā hujūm

āftāb aisā mirī rātoñ meñ aksar niklā

kaise aaine se is nau’ ka jauhar nikla

ye chaman-zar bhi kis dasht mein aa kar nikla

ye sulaiman ki jangah thi kiDi KHatir

mujh se jaise mutahaarib koi lashkar nikla

ye raDak aankh mein maujud hai pahle din se

paniyon se bhare maidan se patthar nikla

awwal awwal jo tha be-shakl wo pura ho kar

ab mere warta-e-izhaar se bahar nikla

ek ek lafz se sad-rang matalib phuTe

jab kuan khoda to niche se samundar nikla

us parinde ne nahin dekhi thi aisi wus'at

wo hawa se kabhi niche kabhi upar nikla

jaisi maujud thi dil mein koi KHwahish so wo hai

koi mushrik na koi makke se munkir nikla

kisi jaanib bhi na palDe bhara shahin gira

jis taraazu pe bhi tola wo barabar nikla

jo uDa deta falak aur sitaron ka hujum

aaftab aisa meri raaton mein aksar nikla