kaise bataun ab mujhe kya kya nahin pasand

kaise batā.ūñ ab mujhe kyā kyā nahīñ pasand

bas tū pasand hai koī tujh sā nahīñ pasand

nīñdeñ uḌā ga.e jo in āñkhoñ ke ḳhvāb the

aisā nahīñ ki ab mujhe sonā nahīñ pasand

lauTā ke jab se aa.eñ haiñ copy vo us kī ham

tab se hameñ to apnā hī basta nahīñ pasand

pahle banāyā us ne to apnī tarah mujhe

kahtā hai ab ki maiñ use aisā nahīñ pasand

jismoñ ke raste aa ga.e haiñ dil talak to ham

āsāñ bahut hai par hameñ rastā nahīñ pasand

phir aap aise dariyā pe la.anat hī bhejiye

merī tarah kā gar use pyāsā nahīñ pasand

kaise bataun ab mujhe kya kya nahin pasand

bas tu pasand hai koi tujh sa nahin pasand

ninden uDa gae jo in aankhon ke KHwab the

aisa nahin ki ab mujhe sona nahin pasand

lauTa ke jab se aaen hain copy wo us ki hum

tab se hamein to apna hi basta nahin pasand

pahle banaya us ne to apni tarah mujhe

kahta hai ab ki main use aisa nahin pasand

jismon ke raste aa gae hain dil talak to hum

aasan bahut hai par hamein rasta nahin pasand

phir aap aise dariya pe lanat hi bhejiye

meri tarah ka gar use pyasa nahin pasand