کیسے دل کا کہا بتائیں ہم
کیسے دل کا کہا بتائیں ہم
راز کی بات کیا بتائیں ہم
تم نے پوچھا بھی تو نہیں ہم سے
جو تمہیں مسئلہ بتائیں ہم
آج انسان سوچتا ہے یہ
کیسے خود کو خدا بتائیں ہم
غلطیاں ہم نے بھی بہت کی ہیں
کس کو کس کی خطا بتائیں ہم
ہم نے بھی کون سی وفا کی ہے
کیوں اسے بے وفا بتائیں ہم
خون کا یا محبتوں والا
کس کا رشتہ بڑا بتائیں ہم
بھول کر بھی نہ دل لگاؤ گے
عاشقی کی سزا بتائیں ہم
کون ایسا ہے اس زمانے میں
جس کو ہم سے برا بتائیں ہم
جانور سے برا ہے مت پوچھو
حال انساں کا کیا بتائیں ہم
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
