kaise guzre hain mah-o-sal to dekh

kaise guzre haiñ māh-o-sāl to dekh

aa mire ġham ke ḳhadd-o-ḳhāl to dekh

maiñ tirā dard pahne phirtā huuñ

jashn ke roz merā haal to dekh

dāman-e-tār taar phirtā hai

huliya-e-yūsuf-e-jamāl to dekh

ḳhud ko pahchān le kabhī shāyad

is ko jī se zarā nikāl to dekh

rut badalne meñ koī der nahīñ

shaam ke bādaloñ kī chaal to dekh

kaise guzre hain mah-o-sal to dekh

aa mere gham ke KHadd-o-KHal to dekh

main tera dard pahne phirta hun

jashn ke roz mera haal to dekh

daman-e-tar tar phirta hai

huliya-e-yusuf-e-jamal to dekh

KHud ko pahchan le kabhi shayad

is ko ji se zara nikal to dekh

rut badalne mein koi der nahin

sham ke baadalon ki chaal to dekh