kaise ji paunga juda ho kar

kaise jī pā.ūñgā judā ho kar

jā rahā hai koī ḳhafā ho kar

DhūñDhtā phir rahā hai mujh sā tū

kyā milā tujh ko bevafā ho kar

bhaTke logoñ ko mil ga.ī manzil

maiñ bichhā jab se rāsta ho kar

ghir gayā yaad se bichhaḌte hī

qaid meñ ho gayā rihā ho kar

pattharoñ par ye kyā asar kartī

lauT aa.ī mirī sadā ho kar

sāya-e-dīñ kā ye sila dekho

mil gayā hai sukūñ fanā ho kar

ham-safar jab se tū huā 'as.ad'

ishq ubhrā hai ḳhush-numā ho kar

kaise ji paunga juda ho kar

ja raha hai koi KHafa ho kar

DhunDhta phir raha hai mujh sa tu

kya mila tujh ko bewafa ho kar

bhaTke logon ko mil gai manzil

main bichha jab se rasta ho kar

ghir gaya yaad se bichhaDte hi

qaid mein ho gaya riha ho kar

pattharon par ye kya asar karti

lauT aai meri sada ho kar

saya-e-din ka ye sila dekho

mil gaya hai sukun fana ho kar

ham-safar jab se tu hua 'asad'

ishq ubhra hai KHush-numa ho kar