kaise kaDakti dhup se chhanw mein aa gaya

kaise kaḌaktī dhuup se chhāñv meñ aa gayā

maiñ saTpaTā ke shahr se gaañv meñ aa gayā

ab is se age aur tamāshā banūñgā kyā

maiñ jang-jū thā ḳhvāja-sarāoñ meñ aa gayā

aise hī jaise chiiz ho koī girī-paḌī

sūraj kisī ġharīb ke paaoñ meñ aa gayā

merī nahīñ ye mere sitāroñ kī chaal thī

sahrā-nashīn uTh ke ḳhalāoñ meñ aa gayā

parvardigār ye terī qudrat kā faiz hai

taḳhlīq kā kamāl bhī maaoñ meñ aa gayā

kyā chhū liyā hai us ne zarā sā gulāb ko

khiltā huā gulāb adāoñ meñ aa gayā

dil muñh ke bal girā hai yahī soch soch kar

sar thā magar dhaḌām se paañv meñ aa gayā

jab tak thā ek rab kī ra.ī.yat meñ ḳhush rahā

'mas.ūd' phir maiñ itne ḳhudāoñ meñ aa gayā

kaise kaDakti dhup se chhanw mein aa gaya

main saTpaTa ke shahr se ganw mein aa gaya

ab is se age aur tamasha banunga kya

main jang-ju tha KHwaja-saraon mein aa gaya

aise hi jaise chiz ho koi giri-paDi

suraj kisi gharib ke paon mein aa gaya

meri nahin ye mere sitaron ki chaal thi

sahra-nashin uTh ke KHalaon mein aa gaya

parwardigar ye teri qudrat ka faiz hai

taKHliq ka kamal bhi maon mein aa gaya

kya chhu liya hai us ne zara sa gulab ko

khilta hua gulab adaon mein aa gaya

dil munh ke bal gira hai yahi soch soch kar

sar tha magar dhaDam se panw mein aa gaya

jab tak tha ek rab ki raiyat mein KHush raha

'masud' phir main itne KHudaon mein aa gaya