kaise kahen dar-ba-dar nahin hum

kaise kaheñ dar-ba-dar nahīñ ham

ghar meñ bhī haiñ aur ghar nahīñ ham

jo raah meñ saath chhoḌ jaa.eñ

aisoñ ke to ham-safar nahīñ ham

apnoñ kī koī ḳhabar na rakkheñ

itne bhī to be-ḳhabar nahīñ ham

uTh jaa.e kab apnā āb-o-dāna

insāñ haiñ koī ḳhizar nahīñ ham

dekheñ na uThā ke aañkh us ko

aise bhī to kam-nazar nahīñ ham

sach hai ki ḳhudā ke rū-ba-rū bhī

sharminda ḳhatāoñ par nahīñ ham

har an-kahī baat sun rahe haiñ

dīvār haiñ koī dar nahīñ ham

kaise kahen dar-ba-dar nahin hum

ghar mein bhi hain aur ghar nahin hum

jo rah mein sath chhoD jaen

aison ke to ham-safar nahin hum

apnon ki koi KHabar na rakkhen

itne bhi to be-KHabar nahin hum

uTh jae kab apna aab-o-dana

insan hain koi KHizar nahin hum

dekhen na uTha ke aankh us ko

aise bhi to kam-nazar nahin hum

sach hai ki KHuda ke ru-ba-ru bhi

sharminda KHataon par nahin hum

har an-kahi baat sun rahe hain

diwar hain koi dar nahin hum