kaise kahen ki yaad-e-yar raat ja chuki bahut

kaise kaheñ ki yād-e-yār raat jā chukī bahut

raat bhī apne saath saath aañsū bahā chukī bahut

chāñd bhī hai thakā thakā taare bhī haiñ bujhe bujhe

tire milan kī aas phir diip jalā chukī bahut

aane lagī hai ye sadā duur nahīñ hai shahr-e-gul

duniyā hamārī raah meñ kāñTe bichhā chukī bahut

khulne ko hai qafas kā dar paane ko hai sukūñ nazar

ai dil-e-zār shām-e-ġham ham ko rulā chukī bahut

apnī qiyādatoñ meñ ab DhūñDeñge log manzileñ

rāhzanoñ kī rahbarī raah dikhā chukī bahut

kaise kahen ki yaad-e-yar raat ja chuki bahut

raat bhi apne sath sath aansu baha chuki bahut

chand bhi hai thaka thaka tare bhi hain bujhe bujhe

tere milan ki aas phir dip jala chuki bahut

aane lagi hai ye sada dur nahin hai shahr-e-gul

duniya hamari rah mein kanTe bichha chuki bahut

khulne ko hai qafas ka dar pane ko hai sukun nazar

ai dil-e-zar sham-e-gham hum ko rula chuki bahut

apni qiyaadaton mein ab DhunDenge log manzilen

rahzanon ki rahbari rah dikha chuki bahut