kaise nazar jhukaun tujhe dekhne ke baad

kaise nazar jhukā.ūñ tujhe dekhne ke baa'd

kis gosha chain pā.ūñ tujhe dekhne ke baa'd

āñkhoñ ko maltā jā.ūñ tujhe dekhne ke baa'd

qismat buland pā.ūñ tujhe dekhne ke baa'd

qisse tujhe ḳhayāloñ meñ shab-bhar sunā.ūñ maiñ

par bol bhī na pā.ūñ tujhe dekhne ke baa'd

mushkil hai phir bhī jī to rahā huuñ tire binā

ḳhushiyoñ se mar na jā.ūñ tujhe dekhne ke baa'd

har gaam terā charchā hamāre nagar meñ hai

kyā kyā sunūñ sunā.ūñ tujhe dekhne ke baa'd

kahte haiñ tujh ko dekheñ to ho jaate haiñ tire

īmān kis pe lā.ūñ tujhe dekhne ke baa'd

bhūlā nahīñ huuñ ġharche maiñ lamha bhī hijr kā

ḳhud ko na bhuul jā.ūñ tujhe dekhne ke baa'd

yuuñ to har ik zamīñ meñ qasīde kahe tire

chal phir qalam uThā.ūñ tujhe dekhne ke baa'd

'ġhaurī' to lā-shu'ūr hai mujh ko dikhe to maiñ

fan apnā āzmā.ūñ tujhe dekhne ke baa'd

kaise nazar jhukaun tujhe dekhne ke ba'd

kis gosha chain paun tujhe dekhne ke ba'd

aankhon ko malta jaun tujhe dekhne ke ba'd

qismat buland paun tujhe dekhne ke ba'd

qisse tujhe KHayalon mein shab-bhar sunaun main

par bol bhi na paun tujhe dekhne ke ba'd

mushkil hai phir bhi ji to raha hun tere bina

KHushiyon se mar na jaun tujhe dekhne ke ba'd

har gam tera charcha hamare nagar mein hai

kya kya sunun sunaun tujhe dekhne ke ba'd

kahte hain tujh ko dekhen to ho jate hain tere

iman kis pe laun tujhe dekhne ke ba'd

bhula nahin hun gharche main lamha bhi hijr ka

KHud ko na bhul jaun tujhe dekhne ke ba'd

yun to har ek zamin mein qaside kahe tere

chal phir qalam uThaun tujhe dekhne ke ba'd

'ghauri' to la-shu'ur hai mujh ko dikhe to main

fan apna aazmaun tujhe dekhne ke ba'd