kaise ruk sakta tha jo kar-e-ziyan hone ko tha

kaise ruk saktā thā jo kār-e-ziyāñ hone ko thā

ya.anī sab kuchh tai-shuda thā jo yahāñ hone ko thā

kuchh badan ke the taqāze kuchh sharārat dil kī thī

aaj lekin ishq apnā jāvedāñ hone ko thā

haañ vahī jo shaḳhs mujh se buġhz rakhtā hai bahut

raat merī zaat par vo meherbāñ hone ko thā

maiñ ne hī alfāz meñ us ko muqayyad kar liyā

varna vo lamha to kal hī rā.egāñ hone ko thā

maiñ ne kal ishkāl saare ḳhatm us ke kar diye

varna merī zaat se vo bad-gumāñ hone ko thā

kaise ruk sakta tha jo kar-e-ziyan hone ko tha

yani sab kuchh tai-shuda tha jo yahan hone ko tha

kuchh badan ke the taqaze kuchh shararat dil ki thi

aaj lekin ishq apna jawedan hone ko tha

han wahi jo shaKHs mujh se bughz rakhta hai bahut

raat meri zat par wo meherban hone ko tha

main ne hi alfaz mein us ko muqayyad kar liya

warna wo lamha to kal hi raegan hone ko tha

main ne kal ishkal sare KHatm us ke kar diye

warna meri zat se wo bad-guman hone ko tha