کیسے سچ سے رہے بے خبر آئنہ
آج خوش ہے بہت ٹوٹ کر آئنہ
ہر طرف بے ضمیری نظر آئے گی
ہو گیا گر یہ پورا نگر آئنہ
آئنہ لوگ گھر میں سجاتے ہیں پر
میں نے کر ڈالا پورا ہی گھر آئنہ
جھوٹھے چہروں کو سچا بتاتا صدا
رکھتا انساں سی فطرت اگر آئنہ
آئنہ کی ہے اک اور خوبی سنو
سب کو آتا نہیں ہے نظر آئنہ
لگ نہ جائے کوئی داغ کردار پر
زندہ رکھتا ہے دل میں یہ ڈر آئنہ
صرف صورت نہیں جس میں سیرت دکھے
ایسا بن کر چلے ہم سفر آئنہ
وہ بدلتے ہیں کردار دن میں کئی
دیکھتے ہیں جو شام و سحر آئنہ
مجھ کو دیتے ہیں اب وہ نصیحت سچنؔ
دیکھ پائے نہ جو عمر بھر آئنہ
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
