کیسی ہلچل میں گزاری میں نے
پھر بھی کی یاد تمہاری میں نے
تیری الفت میں سبک گام رہا
خوب کی دشت غباری میں نے
سارے احباب فلک رفت ہوئے
چھوڑ دی کیسی سواری میں نے
بن گئے اس کے فسانے کتنے
سنگ اٹھایا تھا جو بھاری میں نے
کس کی یادوں کا تخیل مہکا
کس کی تصویر اتاری میں نے
کوئی بتلائے سر منزل شوق
روک لی کس کی سواری میں نے
تری زلفوں کا پرستار ہوں میں
چھوڑ دی باد بہاری میں نے
سنگ احساس ضیا فام تھا پر
روشنی اس کی نکھاری میں نے
مئے عرفاں تھی غزل میں اجملؔ
اک پری اس میں اتاری میں نے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
