kaisi jadu-bayaniyan hum the

kaisī jādū-bayāniyāñ ham the

jab tumhārī kahāniyāñ ham the

hameñ DhūñDo na rā.egānī meñ

rā.egāñ rā.egāniyāñ ham the

jin ko honā thā be-nishāñ ik din

chand aisī nishāniyāñ ham the

naddiyāñ thiiñ kisī ke hoñThoñ meñ

naddiyoñ kī ravāniyāñ ham the

ik bagūle ne ye kahā mujh se

terī rātoñ kī rāniyāñ ham the

tere hoñThoñ meñ tere 'āriz meñ

har taraf guf-fishāniyāñ ham the

yūñhī hone ko ho ga.e vāqe'

nāgahāñ nāgahāniyāñ ham the

ab bhī tishna-dahāniyāñ ham haiñ

jab bhī tishna-dahāniyāñ ham the

kaisi jadu-bayaniyan hum the

jab tumhaari kahaniyan hum the

hamein DhunDo na raegani mein

raegan raeganiyan hum the

jin ko hona tha be-nishan ek din

chand aisi nishaniyan hum the

naddiyan thin kisi ke honThon mein

naddiyon ki rawaniyan hum the

ek bagule ne ye kaha mujh se

teri raaton ki raniyan hum the

tere honThon mein tere 'ariz mein

har taraf guf-fishaniyan hum the

yunhi hone ko ho gae waqe'

nagahan nagahaniyan hum the

ab bhi tishna-dahaniyan hum hain

jab bhi tishna-dahaniyan hum the