کیسی جادو بیانیاں ہم تھے
جب تمہاری کہانیاں ہم تھے
ہمیں ڈھونڈو نہ رائیگانی میں
رائیگاں رائیگانیاں ہم تھے
جن کو ہونا تھا بے نشاں اک دن
چند ایسی نشانیاں ہم تھے
ندیاں تھیں کسی کے ہونٹھوں میں
ندیوں کی روانیاں ہم تھے
اک بگولے نے یہ کہا مجھ سے
تیری راتوں کی رانیاں ہم تھے
تیرے ہونٹھوں میں تیرے عارض میں
ہر طرف گلفشانیاں ہم تھے
یوںہی ہونے کو ہو گئے واقع
ناگہاں ناگہانیاں ہم تھے
اب بھی تشنہ دہانیاں ہم ہیں
جب بھی تشنہ دہانیاں ہم تھے
مأخذ :
- کتاب : صبح بخیر زندگی (Pg. 30)
- Author :امیر امام
- مطبع : ریختہ پبلی کیشنز (2018)
- اشاعت : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
