kaisi tanhai hai nazaron mein

kaisī tanhā.ī hai nazāroñ meñ

saañs ruktā hai ḳhār-zāroñ meñ

ye jo chehra hai kitnā bojhal hai

dard hai kis qadar sharāroñ meñ

maiñ use yaad kar ke rotā huuñ

bas vahī ek thā hazāroñ meñ

ḳhushbueñ us kī saath laate haiñ

phuul khilte haiñ jab bahāroñ meñ

aaj khiḌkī meñ us ne aanā hai

lag ga.e haiñ sabhī qatāroñ meñ

TimTimā kar bulā rahe haiñ jo

aao chalte haiñ un sitāroñ meñ

ye jo sab haiñ ye kitne dilkash haiñ

farq kaise karūñ maiñ pyāroñ meñ

ye rakho ye tumhārā apnā hai

sharm hotī nahīñ hai yāroñ meñ

rāsta hai na jin kī manzil hai

'sabz' shāmil hai un savāroñ meñ

kaisi tanhai hai nazaron mein

sans rukta hai KHar-zaron mein

ye jo chehra hai kitna bojhal hai

dard hai kis qadar shararon mein

main use yaad kar ke rota hun

bas wahi ek tha hazaron mein

KHushbuen us ki sath late hain

phul khilte hain jab bahaaron mein

aaj khiDki mein us ne aana hai

lag gae hain sabhi qataron mein

TimTima kar bula rahe hain jo

aao chalte hain un sitaron mein

ye jo sab hain ye kitne dilkash hain

farq kaise karun main pyaron mein

ye rakho ye tumhaara apna hai

sharm hoti nahin hai yaron mein

rasta hai na jin ki manzil hai

'sabz' shamil hai un sawaron mein