kaisi waba-e-KHauf zamin par hai in dinon

kaisī vabā-e-ḳhauf zamīñ par hai in dinoñ

har ehtiyāt ġhair-muassar hai in dinoñ

tapte hue amaan ke sahrā haiñ āj-kal

sūkhā huā karam kā samandar hai in dinoñ

har lahza maiñ ghaḌe kī taraf chakkaroñ meñ huuñ

har aan merī choñch meñ patthar hai in dinoñ

jaao kahīñ nivāla-e-yājūj ban raho

mau'ūd-e-vaqt ġhaar ke andar hai in dinoñ

kis bachche ko sunā.ūñ maiñ pariyoñ kī dāstān

ye bhuuk kī chuḌail to ghar ghar hai in dinoñ

is daur meñ to pāgalo dhandā haiñ qurbateñ

dekho mafād soch kā mehvar hai in dinoñ

bujh kar hai fī-zamāna nazar aur ḳhush-nazar

dil aur dil-fareb ujaḌ kar hai in dinoñ

ye shāhrāh-e-dil hī sirhānā hai āj-kal

ye gard-e-rāhgīr hī bistar hai in dinoñ

bigḌā hai āftāb-e-muqaddar kā muñh 'zubair'

sar par ḳhayāl-e-yār kī chādar hai in dinoñ

kaisi waba-e-KHauf zamin par hai in dinon

har ehtiyat ghair-muassar hai in dinon

tapte hue aman ke sahra hain aaj-kal

sukha hua karam ka samandar hai in dinon

har lahza main ghaDe ki taraf chakkaron mein hun

har aan meri chonch mein patthar hai in dinon

jao kahin niwala-e-yajuj ban raho

mau'ud-e-waqt ghaar ke andar hai in dinon

kis bachche ko sunaun main pariyon ki dastan

ye bhuk ki chuDail to ghar ghar hai in dinon

is daur mein to pagalo dhanda hain qurbaten

dekho mafad soch ka mehwar hai in dinon

bujh kar hai fi-zamana nazar aur KHush-nazar

dil aur dil-fareb ujaD kar hai in dinon

ye shahrah-e-dil hi sirhana hai aaj-kal

ye gard-e-rahgir hi bistar hai in dinon

bigDa hai aaftab-e-muqaddar ka munh 'zubair'

sar par KHayal-e-yar ki chadar hai in dinon