kaj-faham se kya dil ki hikayat kahen hum

kaj-faham se kyā dil kī hikāyāt kaheñ ham

behtar hai jo samjheñ so vahī ban ke raheñ ham

ho rau meñ tirī chashm-e-balā-ḳhez kā dariyā

is nuur ke sailāb meñ ik baar baheñ ham

jo kaif tire qurb meñ hai aur kahāñ hai

dekh aa.e haiñ vaise to bahut aish-gaheñ ham

thī jhīloñ kī āġhosh meñ gahrā.ī jahāñ par

chhoḌ aa.e parindoñ kī tarah aisī jag.heñ ham

aamad kā tirī jab koī imkān nahīñ hai

kab tak dil-e-be-tāb yūñhī thaam rakheñ ham

jo aks vo chāheñ vahī ā.īna dikhā.e

vo dekheñ hameñ jaise 'ḳhirām' un ko dikheñ ham

kaj-faham se kya dil ki hikayat kahen hum

behtar hai jo samjhen so wahi ban ke rahen hum

ho rau mein teri chashm-e-bala-KHez ka dariya

is nur ke sailab mein ek bar bahen hum

jo kaif tere qurb mein hai aur kahan hai

dekh aae hain waise to bahut aish-gahen hum

thi jhilon ki aaghosh mein gahrai jahan par

chhoD aae parindon ki tarah aisi jaghen hum

aamad ka teri jab koi imkan nahin hai

kab tak dil-e-be-tab yunhi tham rakhen hum

jo aks wo chahen wahi aaina dikhae

wo dekhen hamein jaise 'KHiram' un ko dikhen hum