kal chal diye tum bas puchh ke aur

kal chal diye tum bas pūchh ke aur

aur pūchhte kuchh kuchh pūchhte aur

maiñ sāmne thā tum sāmne thiiñ

mumkin nahīñ haiñ ab fāsle aur

takiya tasavvur kā ḳhabt hai ḳhuub

jo vaqt be-vaqt tujh ko chhue aur

guftār-e-mub.ham se tañg ho kar

farmā.e vo chashm farmā.iye aur

ik moḌ thā ḳhaas apne safar kā

ik moḌ thā aur phir rāste aur

maiñ badlā par kuchh na badlā dar-asl

vo koī aur hī thā aur ye aur

ham to sire DhūñDeñ aage pīchhe

aur ḳhalq phailā.e dā.ere aur

imkāñ mirā ḳhaak milātā hai sab ko

maiñ sifr se kam huuñ ek se aur

nākām hai lafz ma'ānī hai jhūTā

maiñ baat rakhtā huuñ bin-kahe aur

kal chal diye tum bas puchh ke aur

aur puchhte kuchh kuchh puchhte aur

main samne tha tum samne thin

mumkin nahin hain ab fasle aur

takiya tasawwur ka KHabt hai KHub

jo waqt be-waqt tujh ko chhue aur

guftar-e-mubham se tang ho kar

farmae wo chashm farmaiye aur

ek moD tha KHas apne safar ka

ek moD tha aur phir raste aur

main badla par kuchh na badla dar-asl

wo koi aur hi tha aur ye aur

hum to sire DhunDen aage pichhe

aur KHalq phailae daere aur

imkan mera KHak milata hai sab ko

main sifr se kam hun ek se aur

nakaam hai lafz ma'ani hai jhuTa

main baat rakhta hun bin-kahe aur