kal hum ghurur-e-fan ki rawani mein phans gae

kal ham ġhurūr-e-fan kī ravānī meñ phañs ga.e

uulā likhā thā misra-e-sānī meñ phañs ga.e

bach ke nikal ga.e jo re.āyā ko bech kar

bad-qismatī se bijlī o paanī meñ phañs ga.e

likkhī thiiñ us ke jism pe aisī ibārateñ

ham is ġhazal ke lafz o ma.ānī meñ phañs ga.e

majbūr ho ke dene lage hijratoñ kā naam

jab bhī buzurg naql-e-makānī meñ phañs ga.e

āḳhir meñ film-sāz heroine ko le gayā

jitne the film-bīn kahānī meñ phañs ga.e

har saal naunihāl kī aamad gavāh hai

ham ishq kī yaqīn-dahānī meñ phañs ga.e

urdu ke imtihān meñ cheating ke bāvajūd

'hālī' pe note likh diyā 'fānī' meñ phañs ga.e

ham ne to ḳhud ''qubūl'' kahā thā ḳhushī ḳhushī

ab tak hai ġham ki ain-javānī meñ phañs ga.e

chāchā ko mil ga.ī thiiñ chachī māl-dār sī

māmūñ tamām umr mamānī meñ phañs ga.e

jo ashk bāñTte the bane 'mīr' o 'josh' o 'faiz'

ham lafz kī shagufta-bayānī meñ phañs ga.e

kal hum ghurur-e-fan ki rawani mein phans gae

ula likha tha misra-e-sani mein phans gae

bach ke nikal gae jo reaya ko bech kar

bad-qismati se bijli o pani mein phans gae

likkhi thin us ke jism pe aisi ibaraten

hum is ghazal ke lafz o maani mein phans gae

majbur ho ke dene lage hijraton ka nam

jab bhi buzurg naql-e-makani mein phans gae

aaKHir mein film-saz heroine ko le gaya

jitne the film-bin kahani mein phans gae

har sal naunihaal ki aamad gawah hai

hum ishq ki yaqin-dahani mein phans gae

urdu ke imtihan mein cheating ke bawajud

'haali' pe note likh diya 'fani' mein phans gae

hum ne to KHud qubul kaha tha KHushi KHushi

ab tak hai gham ki ain-jawani mein phans gae

chacha ko mil gai thin chachi mal-dar si

mamun tamam umr mamani mein phans gae

jo ashk banTte the bane 'mir' o 'josh' o 'faiz'

hum lafz ki shagufta-bayani mein phans gae