kal lag raha tha mujhko ki be-dast-o-pa hun main

kal lag rahā thā mujh ko ki be-dast-o-pā huuñ maiñ

aur aaj phir se pairoñ pe apne khaḌā huuñ maiñ

kuchh gaam maslahat kī bhī rah par chalā huuñ maiñ

kahne ko rāhgīr rah-e-shauq kā huuñ maiñ

ohde ko maiñ kisī ke kabhī pūjtā nahīñ

kirdār hī ke aage hamesha jhukā huuñ maiñ

ash.ār mere kyā haiñ faqat kuchh ta.assurāt

duniyā agar kitāb hai to hāshiya huuñ maiñ

bezār ho sakeñge na ik dūsre se ham

tū merā aa.ina hai tirā aa.ina huuñ maiñ

kal lag raha tha mujh ko ki be-dast-o-pa hun main

aur aaj phir se pairon pe apne khaDa hun main

kuchh gam maslahat ki bhi rah par chala hun main

kahne ko rahgir rah-e-shauq ka hun main

ohde ko main kisi ke kabhi pujta nahin

kirdar hi ke aage hamesha jhuka hun main

ashaar mere kya hain faqat kuchh tassuraat

duniya agar kitab hai to hashiya hun main

bezar ho sakenge na ek dusre se hum

tu mera aaina hai tera aaina hun main