kal mujhe dekh ke tha aaina chaunka jaise

kal mujhe dekh ke thā aa.ina chauñkā jaise

mere chehre meñ chhupā ho koī chehra jaise

ham-kalāmī bhī miTātī nahīñ duurī kī ḳhalīj

beach se TuuT gayā dard kā rishta jaise

lahr halkī sī fazāoñ meñ jo ubhrī Duubī

dard kī shāḳh se TuuTā koī pattā jaise

kitne bikhre hue ḳhvāboñ kā khañDar lagtā hai

vaqt ne de diyā us shaḳhs ko dhokā jaise

dil ko chhūtī huī yuuñ dard kī lahreñ guzrīñ

phir koī jhiil meñ lagtā hai ki Duubā jaise

yuuñ har ik fard-e-tahayyur kī hai tasvīr 'shamīm'

shahr meñ rāsta bhūlā huā bachcha jaise

kal mujhe dekh ke tha aaina chaunka jaise

mere chehre mein chhupa ho koi chehra jaise

ham-kalami bhi miTati nahin duri ki KHalij

beach se TuT gaya dard ka rishta jaise

lahr halki si fazaon mein jo ubhri Dubi

dard ki shaKH se TuTa koi patta jaise

kitne bikhre hue KHwabon ka khanDar lagta hai

waqt ne de diya us shaKHs ko dhoka jaise

dil ko chhuti hui yun dard ki lahren guzrin

phir koi jhil mein lagta hai ki Duba jaise

yun har ek fard-e-tahayyur ki hai taswir 'shamim'

shahr mein rasta bhula hua bachcha jaise