کل رات میں نے دوست یہ دیکھا ہے خواب میں

کل رات میں نے دوست یہ دیکھا ہے خواب میں

میں پی رہا ہوں اشک ملا کر شراب میں

برباد اس قدر ہوں کہ کچھ بھی نہیں بچا

بے کار کچھ ہے ڈھونڈھنا خانہ خراب میں

وہ مسکرا کے رہ گئے جیسے ہی یہ کہا

مشکل ہے اب تو جینا مرا اضطراب میں

ناکامیوں کو اپنا مقدر بناؤ گے

کیوں ڈھونڈتے ہو آب میاں تم سراب میں

رخصت کے وقت گل جو دئے آپ نے مجھے

رکھے ہوئے ہیں آج بھی وہ گل کتاب میں

تم بھی میاں نہ تاجؔ کبھی پار پاؤ گے

لاکھوں ہزاروں ڈوب گئے اس چناب میں