kal raat maine dost ye dekha hai KHwab mein

kal raat maiñ ne dost ye dekhā hai ḳhvāb meñ

maiñ pī rahā huuñ ashk milā kar sharāb meñ

barbād is qadar huuñ ki kuchh bhī nahīñ bachā

bekār kuchh hai DhūñDhnā ḳhāna-ḳharāb meñ

vo muskurā ke rah ga.e jaise hī ye kahā

mushkil hai ab to jiinā mirā iztirāb meñ

nākāmiyoñ ko apnā muqaddar banāoge

kyoñ DhūñDte ho aab miyāñ tum sarāb meñ

ruḳhsat ke vaqt gul jo diye aap ne mujhe

rakkhe hue haiñ aaj bhī vo gul kitāb meñ

tum bhī miyāñ na 'tāj' kabhī paar pāoge

lākhoñ hazāroñ Duub ga.e is chanāb meñ

kal raat main ne dost ye dekha hai KHwab mein

main pi raha hun ashk mila kar sharab mein

barbaad is qadar hun ki kuchh bhi nahin bacha

bekar kuchh hai DhunDhna KHana-KHarab mein

wo muskura ke rah gae jaise hi ye kaha

mushkil hai ab to jina mera iztirab mein

nakaamiyon ko apna muqaddar banaoge

kyon DhunDte ho aab miyan tum sarab mein

ruKHsat ke waqt gul jo diye aap ne mujhe

rakkhe hue hain aaj bhi wo gul kitab mein

tum bhi miyan na 'taj' kabhi par paoge

lakhon hazaron Dub gae is chanab mein