kal raat yun hua ki pahar-do-pahar gae

kal raat yuuñ huā ki pahar-do-pahar ga.e

koī kuchh aise chīḳh paḌā log Dar ga.e

Duubā ġharīb chāñd to agnī baras paḌī

vo dhuup chamchamā.ī ki chehre utar ga.e

kuchh ajnabī sī lagtī haiñ shāḳheñ harī-bharī

thā jin pe terā saaya vo patte kidhar ga.e

sapnoñ kī khoj hī meñ kaTegī ye raat bhī

aisī havā chalī hai ki bādal bikhar ga.e

is saal jin dinoñ meñ tirā qurb thā nasīb

aa.ī na terī yaad vo din bhī guzar ga.e

rāhoñ meñ yuuñ na baiTh raheñ ḳhānumāñ-ḳharāb

jin kī nazar huī thī vo sab log ghar ga.e

yuuñ to vo dekhne ko thā saada sā aadmī

jo log luT ga.e vo kisī baat par ga.e

barsoñ hī us ne phuul khilā.e haiñ dhuup meñ

ik umr ho chalī hai jise baam par ga.e

kal raat yun hua ki pahar-do-pahar gae

koi kuchh aise chiKH paDa log Dar gae

Duba gharib chand to agni baras paDi

wo dhup chamchamai ki chehre utar gae

kuchh ajnabi si lagti hain shaKHen hari-bhari

tha jin pe tera saya wo patte kidhar gae

sapnon ki khoj hi mein kaTegi ye raat bhi

aisi hawa chali hai ki baadal bikhar gae

is sal jin dinon mein tera qurb tha nasib

aai na teri yaad wo din bhi guzar gae

rahon mein yun na baiTh rahen KHanuman-KHarab

jin ki nazar hui thi wo sab log ghar gae

yun to wo dekhne ko tha sada sa aadmi

jo log luT gae wo kisi baat par gae

barson hi us ne phul khilae hain dhup mein

ek umr ho chali hai jise baam par gae