kal tak kitne hangame the ab kitni KHamoshi hai

Jameel Malik

kal tak kitne hangame the ab kitni KHamoshi hai

Jameel Malik

MORE BYJameel Malik

    kal tak kitne hañgāme the ab kitnī ḳhāmoshī hai

    pahle duniyā thī ghar meñ ab duniyā se rū-poshī hai

    pal bhar jaage gahrī niind jhoñkā aayā Duub ga.e

    koī ġhaflat ġhaflat madhoshī madhoshī hai

    jitnā pyaar baḌhāyā ham se utnā dard diyā dil ko

    jitne duur hue ho ham se utnī ham-āġhoshī hai

    sab ko phuul aur kaliyāñ bāñTo ham ko do sūkhe patte

    ye kaise tohfe laa.e ho ye kyā barg-faroshī hai

    rañg-e-haqīqat kyā ubhregā ḳhvāb dekhte rahne se

    jis ko tum koshish kahte ho vo to lazzat-koshī hai

    hosh meñ sab kuchh dekh ke bhī chup rahne majbūrī thī

    kitnī mānī-ḳhez 'jamīl' hamārī ye be-hoshī hai

    kal tak kitne hangame the ab kitni KHamoshi hai

    pahle duniya thi ghar mein ab duniya se ru-poshi hai

    pal bhar jage gahri nind ka jhonka aaya Dub gae

    koi ghaflat si ghaflat madhoshi si madhoshi hai

    jitna pyar baDhaya hum se utna dard diya dil ko

    jitne dur hue ho hum se utni ham-aghoshi hai

    sab ko phul aur kaliyan banTo hum ko do sukhe patte

    ye kaise tohfe lae ho ye kya barg-faroshi hai

    rang-e-haqiqat kya ubhrega KHwab hi dekhte rahne se

    jis ko tum koshish kahte ho wo to lazzat-koshi hai

    hosh mein sab kuchh dekh ke bhi chup rahne ki majburi thi

    kitni mani-KHez 'jamil' hamari ye be-hoshi hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY